ថ្ងៃសុក្រ ទី02 សីហា ឆ្នាំ2013 ម៉ោង09:29
លោកទេព នីថា អគ្គលេខាធិការនៃគណៈកម្មាធិការជាតិរៀបចំការបោះឆ្នោត
(គ.ជ.ប.) នៅល្ងាចថ្ងៃទី១ ខែសីហា ឆ្នាំ២០១៣នេះ
បានបញ្ជាក់សាជាថ្មីថាការទាមទាររបស់ គណបក្សសង្គ្រោះជាតិ សុំឲ្យ
គ.ជ.ប. បង្កើតគណៈកម្មការចម្រុះ
សម្រាប់ត្រួតពិនិត្យឡើងវិញនូវលទ្ធផលបោះឆ្នោតនោះ គឺ គ.ជ.ប.
ពុំមានសិទ្ធិអំណាចអ្វីក្នុងការបង្កើតគណៈកម្មការចម្រុះនោះទេ។
លោកបានស្នើឲ្យគណបក្សនយោបាយ និងភាគីពាក់ព័ន្ធទាំងអស់ ដាក់របាយការណ៍
ឬបណ្តឹងរបស់ខ្លួនមក គ.ជ.ប. ចាប់ពីថ្ងៃទី២ ដល់ថ្ងៃទី៦ ខែសីហា
ឆ្នាំ២០១៣ ដើម្បីឲ្យក្រុមអ្នកជំនាញរបស់ គ.ជ.ប.
ធ្វើការត្រួតពិនិត្យលើរបាយការណ៍
និងបណ្តឹងទាំងនោះហើយបើពុំមានបណ្តឹងតវ៉ាទៀតគឺ គ.ជ.ប.
នឹងធ្វើការប្រកាសលទ្ធផលបោះឆ្នោតបណ្តោះអាសន្ន នៅថ្ងៃទី១០ ខែសីហា
ឆ្នាំ២០១៣ ខាងមុខ៕
No comments:
Post a Comment